Првиот објект е на ул. „Христо Смирневски“ бр. 55, КО Центар 1 (позади Радио Бран). Вкупна нето изградена површина е 564m² од кои 539m² станбен простор (8 станови) и 25m² подрумски простор. Дополнително има 100m² заеднички простор. Со градба е започнато во март 2001, а се заврши во декември 2001. Вкупен период на изградба беше 9 месеци. Сите станови беа распродадени во текот на градба. Овој проект е комплетно инвестиран од сопствени средства.

Овој проект е од посебна важност за фирмата Пандев ДОО, го означува почетокот на нова ера со инвестиции во станбено-деловни објекти.

Нашиот втор објект, на ул. „Багдатска„ бр. 3, КО Карпош, веднаш спроти ресторан „Сидро“ беше почнат во август 2002, а се заврши во април 2003. Вкупна површина на земјиште 390m², основа на изграден објект е 140m². Вкупна нето површина е 833m², од кои 810m² станбен простор (12 станови), и 23m² подрумски простор. Додатно има околу 80m² заеднички простории. Градбата на објектот траеше вкупно 9 месеци, со завршување на истиот објектот е комплетно продаден и предаден на новите сопственици. Овој проект исто така беше финансиран од сопствени средства.

Третиот објект е на ул. „Мајаковски“ бр.3 и 5, КО Центар 1 (спроти Универзална Сала, позади кафулето „Броз“). Вкупна површина на земјиште е 320m², основа на објект е 260m². Вкупна нето изградена површина е 1340m² од кои 750m² (12 станови), 283m² деловен простор и 307m² гаражен простор. Со градба се започна во јуни 2003 година, а се заврши во мај 2004 година. Вкупен период на изградба беше 11 месеци. Инвестицијата беше со сопствени средства. Објектот е распродаден цел во текот на градба.

Четвртиот објект е на ул. „Црвена Вода“ бр. 8, (до кафулето „Броз“). Вкупна површина на земјиштето е 320m², основа на објект 196m². Вкупна нето површина 1462m² од кои 918m² станбен простор (15 станови), 249m² деловен простор и 295m² гаражен и подрумски простор. Со градба се започна во јуни 2004 година, и комплетно се заврши во јуни 2005 година. Вкупен период на изградба беше 12 месеци.

Петиот објект е на ул. „Дане Крапчев“ бр. 13, КО Центар 1 (Дебар Маало). Вкупна површина на земјиштето е 330m², основа на изграден објект 152m². Вкупна нето изградена површина е 996m² од кои 528m² се станбен простор (11 станови), 81m² дуќан и 283m² гаражен простор и подрумски простор. Со изградба започна во април 2008 година и се заврши во декември 2008 година. Вкупен период на изградба до примопредавање на новите сопственици беше 8 месеци. Становите се продадени сите во текот на градба.

Шестиот објект е на ул. „Вангел Тодоровски“ бр.17, населба Аеродром (во близина на поликлиниката „Јане Сандански“). Вкупна површина на земјиштето е 1359m², основа на изграден објект е 500m². Вкупна нето изградена површина е 5038m² од кои 3000m² станбен простор (59 станови во два влезови, на 8 нивоа), 2038 m² гаражен, подрумски и заеднички простор (73 паркинг места по 16m², подрумски простории околу 200m² и остатокот заеднички простории. Со изградба се започна во јуни 2011, а објектот беше завршен во ноември 2012 година. Становите се продадени сите во тек на градба.

Седмиот објект во кој имаме инвестирано е во Мелсунген, Германија. Вкупна површина на градба е 1370m², основа на изграден објект е 400m². Вкупнa нето површина на изградениот објект е 1300m², од кои 900m² станбен простор (8 станови) и 400m² гаражен и подрумски простор. Со градба се започна во декември 2015 година, а се заврши во април 2017 година. Објектот е распродаден во тек на градба.

Овој проект нé прави една од ретките фирми што има инвестирано во Германија по Европски и највисоки стандарди. Со градба се започна во декември 2015 година, а се заврши во април 2017 година. Градена да биде еколошки штедлива со највисок квалитет на материјали. Тој стандард во Германија беше наречен КВ 70, со што им беше овозможено на купувачите да добијат кредит со пониски каматни стапки од стандардите.

Објект А2 домување во станбена зграда, се наоѓа на ул. „Бранислав Нушиќ“ бр.6, КО Карпош (Полициска станица Карпош). Вкупнa нето изградена површина е 1956m², од кои 1429m² станбен простор (25 станови распоредени на 5 нивоа), 199m² затворен гаражен простор на едно ниво и 328m² заеднички простории и комуникации. Со изградба на истиот се започна на 22.04.2019 година, а се заврши во јуни 2020 год. Објектот карактеризира со добра топлинска и звучна изолација, современ изглед, квалитетен живот. Нуди различни видови станбени единици, од 26m² до 84m², станови со една, две и три спални соби. Се наоѓа на одлична локација, тивко место за живеење, а блиску до Центар, и до сé што е потребно за добар, современ и безбеден живот. Околината нуди сé што е потребно за квалитетен живот: детска градинка, училишта, факултет, супермаркети, пазар, парк, болници, лесна сообраќајна поврзаност со цело Скопје.

Објектот А2 домување во станбена зграда, се наоѓа на ул. „Тетовска“ бр. 40, КО Центар 1 (Олимписки базен “Центар”/СУГС Гимназија „Раде Јовчевски – Корчагин“).

Вкупната нето изградена површина е 1484m², од кои 920m² се станбен простор (16 станови распоредени на 6 нивоа), 292m² затворен гаражен и подрумски простор на едно ниво и 282m² заеднички простории и комуникации.

Изградбата на објектот започна на 02.09.2020 година, а се заврши во септември 2021 година.

Објектот карактеризира со солидна топлинска и звучна изолација, современ урбан изглед и ги нуди сите поволности на квалитетен живот.

Објектот има повеќе видови станбени единици со големина од 38m² па сé до 85m², односно станови со една, две или три спални соби.

Објектот е станбена куќа за семејно живеење. Се наоѓа на ул. „Среќко Пужалка“ бр. 52, во Ченто, КО Синѓелик 1.

Вкупната нето изградена површина е 1186m², од кои 740m² ќе бидат станбен простор (со 8 станови кои се распоредени на 4 нивоа), 314m² затворен гаражен и подрумски простор на едно ниво и 132m² заеднички простории и комуникации.

Изградбата на објектот започна на 03.07.2020 година, а заврши во јули 2021 година.

Објектот карактеризира со одлична топлинска и звучна изолација, современ урбан изглед, и ги овозможува сите карактеристики на квалитетен и семеен живот.

Објектот има повеќе видови станбени единици, и тоа од 38m² па сé до 168m². Становите имаат една, две или три спални соби.

Нашиот последен објект е на ул. „Востаничка“ бр. 33 во населба Црниче, со нето површина од 1246m² од кои 986m² се станбен простор (со 12 станови кои се распоредени во 3 влеза на 3 нивоа), 260m² на приземје се за деловен простор од 3 единици и подрумски простор на едно ниво, заеднички простории и комуникации.

Изградбата на објектот започна на 01.01.2023 година, а се заврши во Октомври 2023 година. Објектот се карактеризира со одлична топлинска и звучна изолација, современ урбан изглед, и ги овозможува сите карактеристики на квалитетен и семеен живот.