Објектот е планиран како станбена куќа за семејно живеење.

Се наоѓа на ул. „Востаничка“ бр. 33, населба Црниче, КО Кисела Вода 1.

Вкупната нето планирана површина е 1246m², од кои 986m² ќе бидат станбен простор (со 12 станови кои се распоредени во 3 влеза на 3 нивоа), 260m² на приземје се планирани за деловен простор кој може да биде 1 (една), 2 (две) или 3 (три) единици и подрумски простор на едно ниво се планирани за заеднички простории и комуникации.

Изградбата на објектот започна во декември 2022 година, а се планира да биде завршен најдоцна до крајот на 2023 година. Објектот ќе се карактеризира со одлична топлинска и звучна изолација, современ урбан изглед, и ќе ги овозможи сите карактеристики на квалитетен и семеен живот. Се нудат повеќе видови станбени единици и тоа од 39m² па се до 160m². Становите имаат една, две, три или четири спални соби.

Локацијата овозможува пристап до сите институции, а воедно креира интимно чувство. Црниче е една од најубавите населби со најдобра местоположба во нашиот град. Близу брзиот и динамичен живот на Скопје, а веднаш до природната убавина на Водно.